Die teken Jonita Swart Tafelberg, 2001 R49 95 ISBN: 062403979-X R49.95
|
 |
Toekomsverhaal met geestelike dimensie |
Die teken Jonita Swart Tafelberg, 2001 R49 95 ISBN: 062403979-X R49.95
|
|
| Dis diep in die 21 ste eeu en die aarde
is nou "Diana", 'n snikhete, onherbergsame stuk grond waar
daagliks om oorlewing geveg word. Die Orde beheer alles; daar is geen
sprake van afsonderlike lande met eie grense en wette nie: die aarde is
een, en word deur een sentrale brein beheer.
In dié wêreld veg Frans Toerien en sy pa ook om oorlewing. Hulle deel die groenteplaas, waar hulle woon, met Bernice en haar pa Jarvis, 'n mistieke prediker wat glo dat 'n Godheid daar buite deur tekens aan die mensdom bevryding sal bring. Want slaverny het na die aarde teruggekeer: die Orde beheer alles. Frans moet besluit: moet hy, soos sy pa, hom eenvoudig by die Orde se reëls neerlê en niks bevraagteken nie? Moet hy na Jarvis se praatjies oor mistieke tekens luister? Of is Bernice se stomprokery die oplossing? Die teken is 'n diepsinnige jeugverhaal met 'n sterk geestelike dimensie wat die leser uitdaag om te dink oor die grense van ons bestaan - uiterlik sowel as innerlik. Die indrukwekkende bandontwerp is deur Tertia du Toit, gebaseer op een van haar skilderye. Oor die skrywer: Jonita Swart woon op George. Sy het reeds verskeie jeug- en lekkerlees-liefdesverhale die lig laat sien. Die teken is haar vyfde jeugroman. |
 |
 Terug na: Nuwe boekeTerug
na: Afrikaanse kinderliteratuur |